Bunaken iku pulo sing jembaré 8,08 km² ing Lempongan Manado, sing dumunung ing saloré pulo Sulawesi, Indonésia. Pulo iki minangka péranganing Kutha Manado, kutha krajan provinsi Sulawesi Lor, Indonésia. Pulo Bunaken bisa ditekani nganggo Speed boat utawa kapal séwan sajeroning watara 30 menit saka plabuhan kutha Manado. Ing saubengé pulo Bunaken ana taman laut Bunaken minangka péranganing Taman Nasional Kelautan Manado Tua. Taman laut iki duwé biodiversitas kelautan salah siji sing paling dhuwur ing donya.